Scroll ke bawah untuk melanjutkan
Koran Banjar
Koran Banjar
Kisah Bahasa Banjar

KISAH BAHASA BANJAR ; Handak Babini Lamak Mungkal

Avatar
792
×

KISAH BAHASA BANJAR ; Handak Babini Lamak Mungkal

Sebarkan artikel ini
ILUSTRASI - Kisah Bahasan Banjar Nanang Supak
ILUSTRASI - Kisah Bahasan Banjar Nanang Supak

Tuntung sumbahyang isya di malam tahun baru ngini, rami banar kendaraan lalu lalang di muka rumah Nanang Supak. Lalakian wan babinian nang anum-anum kalusuran. Satumat-satumat tadangar suara urang lalu lalang kuciakan pina karamian. Wayah itu, Nanang Supak maka-am pina tasandukut di dalam kamar. Mandangar suara kandaraan nang kada ba ampihan, kada tahan jua Nanang Supak, iya nang kaluar rumah, lawan tapih-tapih basindukut. Kapalanya bajarat wan kakamban ampun Acil Idah.

“Uuu…Nang, handak kamana nyawa lawan tapih-tapih tasindukut kayak itu?” jar Acil Idah managur Nanang Supak. “Ulun handak ka palatar rumah satumat Cil-ai, asa kada tahan ulun mandangar kandaraan ngaung-ngaung kada sing ampihan, kapala sudah sakit banar, ditambahi suara kandaraan, handak ulun hamputi haja buhan urang nang lalu lalang ngitu wan kayu pamangkih,” sahut Nanang Supak.

Advertisement
Koran Banjar
Scroll ke bawah untuk melanjutkan

“Hau, kada mau pang nyawa sarik wan urang nang lalu lalang. Jalan di muka rumah ngini jalan umum, sukahandak urang ai. Lawan malam ini malam tahun baru kalu, jadi rami ai lurung,” jar Acil Idah.

“Kada ai…., kada tahu urang garing,” jar Nanang Supak. “Mana tahu urang, nyawa rahatan garing kayak ini. Baik nyawa masuk ka dalam kamar, tapal talinga wan kapas atawa kapuk, kada mandangar lagi am,” jar Acil Idah.

Mandangar kayak itu, babulik ai Nanang Supak ka dalam kamar sambil mamingkuti ujung tapih pina pisit. Limbah itu, Nanang Supak langsung barabah di tilam, satumat-tumat manutupi muha wan bantal. “Asa lunyut banar awak ulun Cil–ai…, panasnya kada ba ampihan, awak asa kada nyaman lalu. Liur asa pahit, tumatan siang tadi kada sing makanan ulun,” jar Nanang Supak ba ungah wan Acil Idah.

“Sabar ai, nang ngaran urang garing kayak itu ai. Lamun awak nyawa asa nyaman, ampih ai nyawa makan nasi, makan awak haja pulang,” jar Acil Idah mahuluti. “Umai purunnya pian basuara kayak itu Cil, jaka manawari makan atawa ma ulahakan banyu kupi panas kah,” jar Nanang Supak pina magin ba ungah.

“Ayuha lamun kayak itu. Pian ba untung handak nangapa garang? Handak makan sate kaah?” jar Acil Idah. “Kada basalira ulun,” jar Nanang. “Mbah pang handak katupat batumiskah?” jar Acil pulang. “Kada jua, kuahnya pina lamak banar,” jar Nanang. “Habis pang, handak lontong kah?” Acil manawari pulang. “Kada kapingin jua ulun,” jar Nanang menyahut.

Mandangar sahutan Nanang Supak pina kada hakun tarus, kamuyakan Acil Idah, lalu banyaring ai suara wan Nanang Supak.

“Pina ungah banar nyawa ngini Nang-ai, ditawari saraba kada hakun, LIMBAH PANG handak babini Acil Katupat nang pina lamak mungkal di subarang rumah ngitu kah?!! Jar Acil Idah kamuyakan sambil manguciaki Nanang Supak di talinga. Mandangar kayak itu, menyahuti ai Nanang Supak pina gamaaaat banar suara. “Lamun ngitu…, bagamat ai….,” jar Nanang Supak.(*)  

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Protes RUU Anggota Parlemen Menari Perang Prabowo Ajak Puasa 5 Tahun KPK Lelang Barang Koruptor Gus Miftah Meminta Maaf Gus Miftah Ejek Penjual Es Teh