Scroll ke bawah untuk melanjutkan
Koran Banjar
Koran Banjar
Kisah Bahasa Banjar

KISAH BAHASA BANJAR; Tahun Baru Makan Kuwaci Sampai Subuh

Avatar
852
×

KISAH BAHASA BANJAR; Tahun Baru Makan Kuwaci Sampai Subuh

Sebarkan artikel ini
ILUSTRASI - Tahun Baru 2025
ILUSTRASI - Tahun Baru 2025

Dua tiga hari ini Nanang Supak pina rajin mandatangi Julak Ibus ka rumah, kada nangkaya biasanya. Wayah ba isukan atawa kamarian, Nanang Supak bakunjang ka rumah sidin. Sampai-sampai Julak Ibus kamuyakan, takana wayahnya ditinggalakan sidin tulak ma unjun.

Penulis, Denny Setiawan
Penulis, Denny Setiawan

Kabalujuran kamarian samalam, Julak Ibus rahatan asik marihit karangga, gasan umpan iwak di palatar rumah. Limbah itu, cungul Nanang Supak pina kurisaan. Basalawar katuk, babaju kaus nang tipis, kupiah di kupala pina kumal. Kada katinggalan talipun ganggam di tangan.

Advertisement
Koran Banjar
Scroll ke bawah untuk melanjutkan

“Ba apa pian Lak…,” jar Nanang Supan mulai batakun wan Julak Ibus. “Ba-apa-ba apa, picak kah mata nyawa? Malihat haja kalu, unda nih lagi baa pa? Marihit karangga, gasan umpan iwak ma unjun,” jar Julak Ibus manyahut. “Uma panyarikannya pian Julak, ulun batakun kayak itu haja, pian bamamai,” sahut Nanang Supak.

“Tiwas, tahu haja unda lagi auran ditakuni ba apa-ba apa, nyawa baa pa ka sini?” jar Julak Ibus balik batakun. “Santai haja pang Lak….? Anu…anu…lak, pian ba isian duit kah?” jar Nanang Supak. “Sudah unda tangguh, dua hari ngini nyawa ka sini bulang bulik, pasti ada nang ditukui. Lamun unda baisian duit, kenapa gerang?” jar Julak Ibus.

“Lamun pian ba isian duit, ulun handak bahutang banar ai atau pian sanda-i kah talipun ganggam ulun nih,” jar Nanang Supak. “Gasan nangapa unda talipun nyawa ngitu, banyak kah nyawa mancari duit?” sahut Julak Ibus. “Kada banyak Lak ai…, paling-paling lima ratus ribu haja,” jar Nanang Supak pina santai manyambat duit lima ratus ribu.

“Muha nyawa Nang..ai, paling lima ratus ribu, nyawa sangka lima ratus ribu itu sadikit kah? Duit sabanyak itu, tahan gasan unda lawan bini makan sabulan muha ai,” Julak Ibus bamamai lagi. “Lamun kadada lima ratus ribu, tiga ratus ribu barang haja Lak…,” jar Nanang Supak pulang. “Nyawa gasan nangapa gerang mencari duit sabanyak itu?”  Julak Ibus panasaran.

“Umai pian nih Lak, kayak kada paham lawan urang anum haja lagi. Ngini parak tahun baru kalu Lak, ulun handak jua mambawi gandak bajalanan di malam tahun baru Lak-ai,” jar Nanang Supak. “Pina musti nyawa ngini Nang-ai, kisah bamalam tahun baru, duitnya handak bahutang. Mun nyawa ngini bahutang, sampai kiamat cagar kada tabayar,” jar Julak Ibus.

“Mbah pang kayapa Lak…., ada atau kadada nah, timbul duitnya kadada, bamamainya maka-am kada ba ampihan,” jar Nanang Supak. “Kayak ini haja sudah nah, unda kada baduit sabanyak ngitu, unda bari haja nyawa gasan bamalam tahun baru. Kaina pas handak tulak malam tahun bari, ambil ka rumah, unda bari sapuluh ribu,” jar Julak Ibus.

“Uma…uma…., liwar pian ngini Lak-ai. Sapuluh ribu ngitu cukup gasan nangapa Lak bamalam tahun baru,” jar Nanang Supak. “Cukup haja Nang-ai, habis isya ambili gandak nyawa, bawai ka palatar rumah, nukar kuwaci sapuluh ribu, tahan haja nyawa makan badua gandak sampai subuh,” jar Julak Ibus.(*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Protes RUU Anggota Parlemen Menari Perang Prabowo Ajak Puasa 5 Tahun KPK Lelang Barang Koruptor Gus Miftah Meminta Maaf Gus Miftah Ejek Penjual Es Teh