Scroll ke bawah untuk melanjutkan
Koran Banjar
Koran Banjar
Kisah Bahasa Banjar

Karak Hidung Disangka Batu Akek

Avatar
836
×

Karak Hidung Disangka Batu Akek

Sebarkan artikel ini
ILUSTRASI - koranbanjar.net
ILUSTRASI - koranbanjar.net

Nanang Supak pina ta ungut di palatar rumah. Sambil mangulai palastik halus nang ba isi bulatan nangkaya batu. Satumat-satumat Nanang Supak mamicik ka bulatan itu. Rahatan asik ma itihi bulatan itu, cungul Acil Idah tumatan dalam rumah. “Nangapa di ungutakan Nang?” jar Acil Idah. “Kadapapa-ai,” sahut Nanang Supak. “Palastik nang di tangan nyawa ngitu, nangapa? Pina bagus warna hijau kahirang=hirangan?” jar Acil Idah pulang.

Penulis, Denny Setiawan
Penulis, Denny Setiawan

“Iya-am, ulun kada sing duitan lalu nah. Bapikir handak manjual batu ngini, ke wadah siapa payu dijual lah?” jar Nanang Supak. “Batu nangapa itu?” Acil Idah panasaran. “Batu mirip-mirip akek, lawas ulun ba ulah ngini kada sing payuan,” jar Nanang Supak. “Ayupang nyawa tawarakan lawan Julak Ibus, sidin katuju mamakai utas nang babatu pina jarang dipakai urang,” Acil Idah mamadahi Nanang Supak.

Advertisement
Koran Banjar
Scroll ke bawah untuk melanjutkan

“Bujur jua jar pian Cil lah, ulun handak ke rumah Julak Ibus dulu nah,” jar Nanang Supak. Limbah itu, Nanang Supak bajalan ka rumah Julak Ibus, sakalinya sidin kadada. Pas handak babulik ka rumah, sakalinya Nanang Supak batamu Julak Ibus di warung.

“Nah pas banar, ulun tadi mencarii pian ka rumah. Sakalinya pian di sini,” jar Nanang Supak lawan Julak Ibus. “Ba apa garang nyawa mancari unda,” sahut Julak Ibus. “Anu….anu…., ulun ada baisian batu, lawas ulun ba ulah, handak ulun jual, apang kada sing duitan lalu. Dua puluh ribu gin ulun jual gasan nukar rokok haja Lak ai,” jar Nanang Supak.

“Batu nangapa Gerang? Ayupang unda umpat malihat dulu, kalu pina cucuk diulah utas,” jar Julak Ibus. Nanang Supak badadas mencaluk ka kantung salawar, manjuhut batu nang di dalam palastik halus tadi. “Batu nangapa ini Nang, ada hijau wan pina kadap, ada jua pang kuning-kuningnya sedikit,” jar Julak Ibus.

Limbah itu, Julak Ibus manjuhut batu ngitu, mangalurakan tumatan palastik halusnya. Julak Ibus mangguliming ka batu, sambil manating-nating ka  langit. “Batu nangapa ini Nang pina langka banar. Asa kada suah unda malihat batu kayak ini,” jar Julak Ibus babangat panasaran.

“Kada usah banyak pandir pian Lak-ai, mau kada manukari nah? Lamun handak-handak, lamun kada handak kada usah?” jar Nanang Supak. “Unda batakun dulu batu nangapa ini? Lamun unda ambani, limbah itu kalu urang handak manukari, pasti batakun dulu, batu nangapa ini? Lamun tahu nyaman kalu manyahuti,” jar Julak Ibus.

“Barang haja pian sambat batu nangapa kah kadapapa, padahi akek kah, padahi kacubung kah tasarah haja,” jar Nanang Supak.

Julak Ibus magin panasaran, sambil mamicik-micik ka batu ngitu. Limbah itu sidin manjilat ka batu ngitu. “Hau, batu nangapa ngini nang, biasanya batu kada barasa, ngini kanapa pina masin-masin, kayak lain batu?” juar Julak Ibus.

Hancap ai Nanang Supak bajauh, sambil bajalan manyahuti Julak Ibus. “Anu Lak…ai, itu karak  hidung ulun kumpulakan, limbah itu ulun jamur, kalu pina mau karas nangkaya batu. Lamun pina lamah, ba arti kada mau jadi batu, masih karak hidung tu,” jar Nanang Supak kada tahu-tahu muha. “Cuh…, dasar kada tapi pintar nyawa ngini Nang…ai, urang tuha dibunguli,” jar Julak Ibus manyumpah.(*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Protes RUU Anggota Parlemen Menari Perang Prabowo Ajak Puasa 5 Tahun KPK Lelang Barang Koruptor Gus Miftah Meminta Maaf Gus Miftah Ejek Penjual Es Teh